Казанның «Вечный огонь» кинокомпаниясе тарафыннан “ТАИФ” ДК финанс ярдәме белән Казан суворов хәрби училищесы киностудиясе белән берлектә төшерелгән “Танкист” нәфис фильмы “ТЭФИ-Регион” Бөтенроссия телевизион премиясе финалистларының өчлегенә керде.

Юбилейлы XV конкурсында (Россия телевидениесе академиясе 2001 елдан «ТЭФИ-Регион»ны үткәрә) Россиянең 89 шәһәреннән 194 телекомпаниядән 600 эш катнашкан. Җиңүчеләрне котлау һәм төп бүләк скульптор Эрнст Неизвестныйның “Орфей” сынын тапшыру тантанасы 2026 елның 20 ноябрендә Ярославльдә узачак.

«Танкист» фильмы (режиссеры Елизавета Киселева, баш рольләрдә Дмитрий Смирнов, Андрей Еналеев уйный) А.Твардовскийның «Рассказ танкиста» шигыре мотивлары буенча төшерелгән һәм Бөек Ватан сугышы еллары малайлары һәм танк экипажы командиры белән танышу тарихына багышланган. Төшерүләр Татарстан Республикасының Балык Бистәсе һәм Биектау районнары җирендә узды. Узган елда “Танкист” “Перерыв на кино” фестиваленең иң яхшы уен фильмы дип танылды. 2026 елның 1 августыннан картинаны PREMIER онлайн-кинотеатрында карарга мөмкин.