Татарстан Республикасының "Татаркино" дәүләт бюджет мәдәният учреждениесе - регионда кинематографияне үстерү мәсьәләләре буенча әйдәп баручы оешма.

ТР "Татаркино" ДБМУ эшчәнлегенең төп юнәлешләре булып кино җитештерү, фильмнарны прокатта күрсәтү, фестивальләр һәм форумнар оештыру, кино белгечләре белән иҗади очрашулар үткәрү, шулай ук Россия төбәкләре һәм чит илләр белән мәдәни хезмәттәшлекне киңәйтү тора.

ТР "Татаркино" ДБМУ фондыннан фильмнар Казан шәһәрендә ("Мир" к/т), оешманың Яр Чаллы, Бөгелмә шәһәрләрендәге филиалларында, шулай ук Татарстан Республикасының муниципаль районнарында һәм күрше төбәкләрдә прокатта күрсәтелә.

ТР "Татаркино" ДБМУ үткәргән чаралар арасында иң әһәмиятле һәм масштаблы чараларның берсе - Казан халыкара мөселман киносы фестивале. Әлеге кинофорум 17 елдан артык дөньякүләм танылган мәдәният һәм сәнгать эшлеклеләренең даими очрашулары һәм тәҗрибә уртаклашу урыны, шулай ук Татарстан кинематографиясен үстерү өчен мөһим этәргеч булып тора. "Мәдәниятләр диалогы аша - культура диалогына " - фестивальнең девизы.

"Татаркино" коллективы Татарстан Республикасында кинематография мәсьәләләре белән шөгыльләнүче иң яхшы учреждениеләрнең берсе булып кала. Күпьеллык нәтиҗәле хезмәте һәм республика кинематографиясен үстерүгә керткән зур өлеше өчен Татарстан Республикасы Президентының Рәхмәт хатлары белән бүләкләнә (2009, 2014).

Татарстан Республикасының "Татаркино" дәүләт бюджет мәдәният учреждениесе үз эшчәнлеген өч рәсми сайт аша гамәлгә ашыра:

- "Татаркино"ның гомуми эшчәнлеге һәм элемтәләре турында мәгълүмат (http://www.tatarkino.ru);

- Россия кинематографиясе үзәге буларак башкала секторында "Татаркино" эшчәнлеген яктыртучы "Мир" кинотеатры (http://www.kinoteatr-mir.ru);

- Казан халыкара мөселман киносы фестивале эшен яктыртучы һәм онлайн гаризалар кабул итүче сервис (http://kazan-mfmk.com).

"Татаркино" сайты оешманың визит карточкасы булып тора һәм төрле елларда Татарстан Республикасы Мәдәният министрлыгының дәүләт заказы буенча җитештерелгән фильмнарның онлайн-каталогын үз эченә ала. Хәзерге вакытта 209 фильм каталогка кертелгән. Интернет-кинотеатрга керү гомуми еллык статистикасын 40 500 кешене тәшкил итә.

Моннан тыш, 2016 елда Татарстан кинематографистлар берлегенең сайты 35 еллыгы уңаеннан беренче тапкыр булдырылды (http://www.unikino-rt.ru/).

"ТатарКино"ның Яр Чаллы һәм Бөгелмә шәһәрләрендә ике региональ филиалы бар.