Татарстан Республикасы Мәдәният министрлыгы кинофильмнар җитештерү өчен субсидияләр алуга конкурс башлануы турында игълан итте. Конкурста Татарстан Республикасының коммерцияле булмаган оешма вәкилләре катнаша ала. Башта онлайн режимда кино проектларының питчингы үткәреләчәк.
Гаризалар 2026 елның 6 апреленнән 30 апреленә кадәр tatarkino_fest@mail.ru электрон почтасы адресына кабул ителә (хат темасында фильмның категориясе күрсәтелә).
Гариза белән булырга тиеш:
- синопсис (документаль һәм анимацион кино буенча 3 биттән ким түгел, уен киносы буенча 5 биттән ким түгел);
- сценарий (булган очракта);
- презентация (идея, команда, кинопроектны тормышка ашыру планы);
- коммерцияле булмаган оешма турында мәгълүмат (оешманың тулы исеме, җитәкчесенең Ф.И.О.сы, теркәлү адресы һәм ОКВЭД).
Конкурс кысаларында түбәндәге фильмнар төшерү планлаштырыла:
Социаль роликлар циклы (юл хәрәкәте кагыйдәләрен үтәү, әйләнә-тирә мохитне саклау, хокук бозуларны булдырмау профилактикасы, терроризм һәм экстремизм профилактикасы) - 500,0 мең сумлык документаль кыска метражлы фильм.
2026 елда шагыйрьнең тууына 125 ел тулу уңаеннан Кави Нәҗми иҗатына багышланган фильм - 500,0 мең сумлык документаль кыска метражлы фильм.
Татарстан Республикасының күренекле сәнгать эшлеклеләре иҗатын тикшерүче эксперименталь кино (авангард, абстракт, нарратив булмаган, альтернатив, шигъри кино) жанрындагы фильм. 2027 елда юбилей даталары: шагыйрь Зөлфәткә 80 ел (Мәликов Дөлфәт Усманович), рәссам Иван Иванович Шишкинның тууына 195 ел, рәссам Бакый Урманченең тууына 130 ел, композитор Мансур Мозаффаровның тууына 125 ел, язучы Галимҗан Ибраһимовның тууына 140 ел, композитор Рим Хәсәновка 80 ел, Бари Рахмат тууына 130 ел, архитектор Герман Бакулинга 80 ел - эксперименталь кино 500,0 мең сум.
Микродрама жанрындагы вертикаль форматтагы фильм - 2500,0 мең сумга уен сериясе (50 серия).
Россия хәрби хезмәткәрләренә - махсус хәрби операциядә катнашучыларга багышланган фильм - документаль тулы метражлы фильм 1000,0 мең сум.
«Культура. Сейчас» ("Сәнгать. Бүген") Татарстан Республикасының хәзерге сәнгатенә багышланган кыска метражлы музыкаль видео жанрында фильмнар циклы - 1000,0 мең сумга кыска метражлы уен фильмы (2 фильм).
Фильм Татарстан Республикасында яшәүче халыкларның тарихы, мәдәнияте һәм традицияләре турында - 1000,0 мең сумлык анимацион фильм.
2026 елда Татарстан Республикасының күренекле сәнгать эшлеклеләренең юбилей даталарына багышланган документаль новеллалар: Фатих Әмирхан (тууына 140 ел), Габдулла Тукай (тууына 140 ел), Муса Җәлил (тууына 120 ел), Габдулла Кариев (тууына 140 ел) һ.б. - 1000,0 мең сумлык документаль кыска метражлы фильм.
