17 мартта «Мир» кинотеатрында махсус хәрби операциягә багышланган патриотик чара узды.

Кичәне алып баручы «Татаркино» дәүләт бюджет мәдәният учреждениесенең кинофестивальләр һәм кино чараларын оештыру бүлеге методисты Рәисә Харисова тамашачылар өчен патриотик викторина үткәрде, алар арасында мәгариф учреждениеләре укучылары да бар иде. Үткәнебезнең тарихына, мәдәниятенә һәм батырларына кагылышлы сораулар катнашучыларга үз белемнәрен тикшерергә иминлек һәм тынычлык кыйммәтләрен яңадан аңларга мөмкинлек бирде. Орденнарда мәңгеләштерелгән Бөек командирлар, авиация пионерлары, шулай ук хәрби корабльләр типлары һәм Россия Федерациясе Кораллы көчләренең хәзерге төр гаскәрләре составы турында темалар каралды.

Чараның кульминациясе булып режиссер Андрей Симоновның "Малыш" фильмын күрсәтү торды. 18 яшендә фронтка киткән яшь ДНР хәрбиенең реаль тарихына нигезләнгән картинаның сюжетындагы вакыйгалар 2022 елда бара. Төп герой Дима музыка белән мавыккан һәм куркыныч сугыш хәрәкәтләре белән таныш булмаган Донецк егете, әтисен җирләгәннән соң бөтенләй берүзе кала. Ул әнисенең камалышта калган Мариупольдә әсирлеккә эләккән җирле халык арасында булуын белеп ала. Дмитрий үз теләге белән штурм отрядына язылырга карар кабул итә һәм җимерелгән шәһәрдә якын кешесен табу өчен хәрби хәрәкәтләр зонасына китә.

Ныклык, кыюлык һәм тугрылык рухы белән сугарылган картина һәркемнең күңеленә үтеп керде. Алар арасында хәзерге вакытта Ватанны саклауда хезмәт итүчеләрнең туганнары һәм якыннары да бар иде.