Мәктәп каникуллары башланыр алдыннан Казанда Татарстан Республикасы профсоюзлар Федерациясе, «Батыр, без сезнең белән» төркеме, «Татаркино» ТР Дәүләт бюджет мәдәният учреждениесе һәм «Мир» кинотеатры инициативасы белән оештырылган күңелгә үтеп керерлек хәйрия чарасы узды.

29 март көнне шәһәрнең иң борынгы кинотеатрларының берсендә махсус хәрби операциядә катнашучыларның балалары һәм туганнары, шулай ук Татарстан профсоюзлары аппараты хезмәткәрләре өчен «Домовенок Кузя 2» дигән гаилә фильмы күрсәтелде.

Кино күрсәтүнең хөрмәтле кунаклары - РФ Иҗтимагый палатасы әгъзасы, Татарстан Республикасы «Динамо» ОГО ФСО рәисе киңәшчесе Ольга Павлова һәм Россия Героеның сеңлесе Елена Додосова аерым җылылык һәм ярдәмлелек атмосферасы тудырды. Аларның монда булуы гаиләләргә игътибар билгесе һәм көн саен батырлык, сабырлык белән ныклык күрсәтүче гаиләләр белән бердәмлек символына әверелде.

Бу чара бергәләп фильм карау гына түгел, ә чын дуслык, ярдәм, яхшылыкның явызлыкны җиңүенә өмет һәм ышаныч бәйрәме.

Сүз уңаеннан, бу «Мир» кинотеатры белән республика профсоюзларының беренче генә уртак инициативасы түгел. Һәм, һичшиксез, бу күркәм традиция кешеләрне берләштереп һәм балаларга шатлык бүләк итеп алга таба да дәвам ителәчәк!