Казан мәктәпләренең 137 укучысына "Татаркино" кинематография тарихы буенча патриотик чара һәм кино дәресләре үткәрде.

Укучылар ватанның каһарман тарихы белән танышты һәм киноның бу хәтерне сакларга ничек ярдәм итүе турында белделәр.

Чараның төп элементы Юлия Захарованың «Улицы Татарстана: лица Победы»" (Татарстан урамнары: Җиңү йөзләре") циклыннан документаль роликлар күрсәтү булды. Бу кыска, әмма бик бай мәгълүмат сыйдырышлы фильмнар Бөек Ватан сугышы геройлары турында сөйли, аларның исемнәре Татарстан шәһәрләре һәм авыллары урамнары исемнәре белән мәңгеләштерелгән. Конкрет кешеләрнең хикәяләре аша аларның батырлыклары һәм язмышлары күрсәтелә.

Татарстан Республикасы "Татаркино" дәүләт бюджет мәдәният учреждениесенең кинофестивальләр һәм кино чараларын оештыру бүлеге башлыгы Светлана Говорунова укучыларга кинематографиянең ничек үсүе, киноның төрле тарихи чорларда нинди роль уйнавы һәм документаль фильмнарның, аерым алганда, тарихи хакыйкатьне саклап калырга, аны буыннан-буынга җиткерергә ярдәм итүе турында сөйләде.