10 февральдә Радик Кудояровның "Кара урман" (18+) фильмының премьерага кадәрге тамашалары Бөгелмәдә һәм Яр Чаллыда узачак.

Кино күрсәтү кысаларында татар шагыйре Муса Җәлил һәм Айрат Шәмс ролен уйнаган актер Зөлфәт Закиров белән иҗади очрашулар узачак.

Кино күрсәтү расписаниесе:

10 февраль 14.00 сәгатьтә - "Яшьләр сарае", Бөгелмә шәһәре.

10 февраль 17.00 сәгатьтә - "Сити Молл" сәүдә үзәгендә "Ultra Cinema" кинотеатры, Яр Чаллы шәһәре.

Татарстан Рәисе Рөстәм Миңнеханов ярдәме белән иҗат ителгән режиссер Радик Кудояровның фильмы Җәлил һәм аның хезмәттәшләре тормышының соңгы, фаҗигале вакыты фашист төрмәсендә тоткынлык һәм үтерелүе турында сөйли.

"Кара урман" Юрий Озеров исемендәге XXIII Халыкара хәрби кино фестивалендә өч төп бүләккә лаек була (иң яхшы уен киносы өчен гран-при, иң яхшы режиссурлык һәм иң яхшы ир-ат роле өчен бүләкләр). Фильм "Алтын минбар" XXI Казан халыкара кинофестивалендә "Дөнья әдәби мирасына таяныч һәм алга китеш идеяләренә тугрылыгы өчен" кино белгечләр, кино тәнкыйтьчеләр һәм кино матбугатлары призына, шулай ук "Тулы метражлы уен фильмының иң яхшы актеры" номинациясендә бүләкләнде. Фильм шулай ук Ариано (Италия) халыкара кинофестивалендә һәм Мурманск шәһәрендә "Төньяк характеры" халыкара кинофестивалендә тәкъдим ителде.