19 декабрьдә "Мир" кинотеатрында "Мәңгелек" мелодрамасының арт-тамашасы булды.

Режиссер Дэвид Фрейн төшергән "Мәңгелек" картинасы тамашачыларга ахирәт һәм мәңгелек юлын сайлау турында кызыклы хикәя тәкъдим итә. Төп герой, Джоан, үлеменнән соң четрекле карар алдында тора: аңа мәңгелекне кем белән һәм кайда үткәрәчәген ачыклау өчен бер атна бирелә. Бик иртә гомере өзелгән беренче мәхәббәте һәм гаилә корып озын бәхетле гомер кичергән икенче ир арасындагы сайлау ул.

Әдилә Хәйбуллина, картинаның хәзерге кинематографтагы урынын шәрехләп: "Премьерадан соң барлык кино тәнкыйтьчеләре, нигездә, уңай рецензияләр язганнар, чөнки бүген мелодрама яки романтик комедия жанрында борылыш барлыкка килде. Иң югары чор яки иң уңышлы чор булып 90-нчы еллар санала, ул вакытта, "Привидение" (“Өрәк”), "Куда ведут мечты" (Хыллар кая илтә”) фильмнары, мәхәббәт һәм сайлау алдында тору темасы булган бик күп картиналар чыга”. Тәнкыйтьче фикеренчә, "Мәңгелек" гомерлек сорауларга яңа караш тәкъдим итеп, әлеге истәлекле фильмнар традицияләрен уңышлы дәвам итә.

Әдилә Хәйбуллинаның әсәрне караудан шәхси тәэсире уңай булды: "Фильм мине сокландырды, трейлер күпкә җиңелрәк һәм банальрәк иде. Ул бик җиңел кабул ителә, анда ирония һәм көлкеле конфликтлар күп. Оригиналь дилемманың бөтенләй алдан әйтеп була алуына карамастан, фильм интриганы саклап кала ала".

Фильм гади, ләкин шул ук вакытта тормыш, мәхәббәт һәм мәңгелек мәгънәсе турында уйланырга мәҗбүр итә. Караганнан соң тәэсирләр белән уртаклашу, якыннарны күрү һәм фикер йөртү теләге туа.